Utube.com recibe 65 millóns de visitas accidentais

Unha compañía especializada á fabricación e venda de tubos de ferro e maquinaria pesada veu como a súa web recibiu 65 millóns de visitas por mor do seu dominio da Internet, utube.com, que se pronuncia igual que youtube.com, o que levou a moitos visitantes a equivocar enderezo ó que dirixen o seu navegador á hora de visitar a web de vídeos máis popular da Rede.
A casualidade no nome non debeu ser moi positiva para a Universal Tube & Rollform Equipment Corporation, que chegou a ter problemas para manter a súa web operativa ante a avalancha de visitas, que non lle supoñen ningún beneficio directo (xa que é difícil que un cliente potencial chegue a eles buscando vídeos) pero resulta curioso ver como o que podería ser un intento para atraer visitas non sexa máis que unha casualidade con repercusións negativas (xa que a empresa tivo que reforzar os seus servizos web para poder manter a súa páxina en liña).