Vitae ponnos ao día nas últimas e máis destacadas novidades da Guía do PMBOK
mércores, 9 de marzo do 2022
Vitae
Consultores, a través da súa aula virtual, organiza esta tempada o
Curso
Xestión de proxectos PMI: actualización á Guía do PMBOK 7.
Esta actividade formativa, válida para a preparación do exame de
certificación PMP do PMI, desenvolverase os días 29, 30 e 31 de
marzo, e o 4 e o 5 de abril. Serán 15 horas de contidos arredor das
posibilidades do PMBOK (un manual que achega ás organizacións un
conxunto de procesos, modelos, criterios e recursos para asegurar a
boa dirección de proxectos) e das vantaxes de renovar coñecemento
arredor do PMBOK.
Vitae
explica que a Guía do PMBOK, como toda norma ANSI (Asociación
Norteamericana de Estandarización de Normas), debe ser actualizada
cada cinco anos, “polo que resulta habitual a aparición dunha nova
edición da guía ao longo dese prazo”.
Vitae
tamén explica que dende agosto de 2021 atópase en vigor a Guía do
PMBOK número sete, que desta volta non vén a substituír á sexta
edición, como adoita ser habitual (deixando sen vigor a entrega
previa), servíndolle máis ben de complemento. A sétima edición
incorpora importantes novidades como por exemplo pasar de procesos
directivos a principios e de áreas de coñecemento a dominios de
desempeño. Vitae salienta a necesidade de complementar este recurso
con outros enfoques de xestión, por exemplo a devandita sexta
edición da guía ou as contornas áxiles que proporcionan Scrum ou
Kanban, “xa que por si mesma a última actualización non mostra ao
detalle como xestionar un proxecto”, entre outras cousas porque se
centra basicamente en definir novas ideas como estratexia, principios
e entrega de valor, achegando unha visión global de alto nivel e
establecendo os fundamentos e principios da xestión pero sen entrar
no detalle de como facelo”.
Obxectivos
do curso
-Para
todos aqueles asistentes que xa dispoñan da certificación PMP, o
curso axústase ao requirimento do PMI de formación e actualización
continua que todo responsábel de proxectos debe observar para o
mantemento da súa certificación.
-Para
todos aqueles asistentes que aínda non dispoñan da certificación
PMP, pero xa asistiron ao Curso de Preparación PMP en base á Guía
do PMBOK 6ª edición, supón a oportunidade de completar a súa
formación e prepararse axeitadamente para afrontar o exame cos
cambios que tiveron lugar dende o primeiro de xaneiro de 2022.
-Para
o resto dos asistentes, estar actualizados en relación coas últimas
tendencias relacionadas coa dirección de proxectos.
A
persoa encargada de impartir os contidos será Isaac Olalla Del Real,
licenciado en Dereito (Universidade Complutense de Madrid) amais de
ser un profesional certificado co PMP e co PMI-RMP por parte do
Project Management Institute. Trátase dun experto en xestión de
iniciativas innovadoras, con máis de 15 anos de experiencia neste
ámbito e preto dunha década como formador, impartindo cursos de
xestión baseada na metodoloxía PMI. Polas súas actividades de
adestramento xa pasaron máis de dous milleiros de persoas,
formándose en xestión dunha PMO, en xestión de riscos e en xestión
avanzada de proxectos. Ten traballado para Telefónica, Vodafone,
Deloitte, IECISA, BT, a DXT, Bankinter, FedEx, o Ministerio de
Industria, Votorantim, OHL ou a Xunta de Galicia.