Vodafone mellorará a subida do seu ADSL

Telefónica anunciou que vai dobrar a velocidade de subida das súas conexións ADSL, ao que Vodafone responde triplicando de balde o upstream das conexións a 6 Mbps e dobrando as de 12 Mbps, de xeito que ambas quedarían cunha velocidade de subida de 1 Mbps, superando os 640 e 800 Kbps que ten Telefónica nas súas conexións equivalentes.
As melloras na velocidade de subida facilita a carga de contidos á Internet, o que agradecerán tanto os usuarios de redes P2P coma quen publica imaxes e vídeos en redes sociais.