WeShow selecciona os mellores vídeos que hai na Rede

Nos pasados días estreouse un servizo que, aínda que non é moi orixinal, de seguro que será o agrado de moitos usuarios que buscan no vídeo na Rede dun xeito de lecer moi socorrido. A nova web é unha especie de guía de vídeos coñecida coma WeShow, que destaca por contar cun equipo humano que coida dos contidos de xeito que se achega ós mellores vídeo de webs coma YouTube, DailyMotion, Metacafe ou Google Video (ata máis de 20 servizos deste tipo) que mesmo recompilan nun concurso mensual no que poden votar os usuarios das distintas edicións locais desta web, que ten versións diferenciadas para Estados Unidos, Reino Unido e Brasil.

O novo servizo permite explorar os vídeos por canles temáticas (famosos, humor, música, novas, vídeos virais, películas...), cualificacións (os máis recentes, os máis vistos e os máis comentados) e mediante etiquetas (que se poden ver nunha nube). Pretenden así atender á demanda de filtrado por parte dos usuarios, que se senten asolagados polo número de vídeos que aparecen diariamente na Rede.
WeShow tamén contribúe á creación de vídeos en liña coa publicación dun clip diario no que se amosan algúns dos vídeos máis populares, que sorprende especialmente por ser distinto nas súas edicións locais, polo que podemos seguir a WeShow TV tanto en portugués coma en inglés.