Xa é posible sintonizar Atreseries HD

O panorama audiovisual español continúa a remexerse cos cambios na TDT, e comeza agora a nova xeira de incorporacións á oferta en aberto de Televisión Dixital Terrestre, no que é unha aposta por unha maior oferta de contidos e cunha mellor calidade. A compañía que non quixo agardar a 2016 para mover ficha é Atresmedia, que xa está a ofrecer a nova canle de alta definición Atreseries, que supón unha importante aposta pola ficción española, con series como Aquí no hay quien viva, Los hombres de Paco, Un Paso Adelante, Física o Química ou as máis recentes Allí Abajo, Gran Hotel. Mar de Plástico ou Velvet. Por desgraza, moitos destes contidos non están dispoñibles en alta definición e incluso en formato panorámico, polo que algunhas das emisións non aproveitan a calidade de imaxe e son da que podería facer gala a nova canle.
Pero non só de ficción española vive Atreseries, senón que tamén ten películas (como Pancho, el perro millonario ou Pájaros de papel), programas de produción propia (comezando por un presentado por Maxi Iglesias e Sara Escudero) e series de ficción estranxeiras (como Covert Affairs, Person of Interest, El Mentalista, Bones, Ley y Orden ou Bajo Sospecha) ás que se incorporarán varias estreas absolutas en aberto en España (UnREAL, Cites, Satisfaction, Bates Motel e Looking).
Os usuarios que queiran poder gozar de Atreseries HD deberán resintonizar os seus televisores, non sendo precisa a reantenización de anteriores cambios na TDT. Aparte de Atreseries, tamén aparecen nos televisores unha versión de alta definición da canle Boing, deixando constancia que está a actualizarse o cadro de canles das que imos poder gozar nos vindeiros meses.