Xa se coñecen os gañadores dos YouTube Video Awards 2007

Por segundo ano YouTube celebrou os seus propios premios para galardoar ós mellores vídeos publicados na súa web baixo 12 categorías (adorable, comedia, comentario, creatividade, testemuño, inspirador, educativo, musical, político, serie, curtametraxe e deportivo) nas que votaban os usuarios para determinar os mellores vídeos de 2007.
Os vídeos gañadores parecen ser bastante irrelevantes, polo que non se corresponderían cos vídeos máis coñecidos en España, pero acumulan millóns de visualizacións, e grazas a este último recoñecemento xa están a aparecer nas pantallas de ordenadores de todo o mundo, resultando de especial interese nos YouTube Video Awards o clip correspondente á categoría de vídeo máis adorable (un bebé rindo), o máis creativo (un Tetris humano), o máis gracioso (un espectáculo de monicreques) e o máis educativo (que amosa técnicas para resolver un cubo de Rubik).
Curiosamente os vídeos máis premiados non se corresponden directamente cos máis vistos, pois son os temas de actualidade (así como fragmentos de programas de televisión e vídeos musicais) os que gozan de máis interese para boa parte dos usuarios de YouTube.