Xbox Game Pass comeza xullo con novidades pouco relevantes

O mes de xullo chega cargado de novidades para os subscritores de Xbox Game Pass, cunha combinación de títulos nostálxicos, propostas innovadoras e actualizacións especiais. Entre os máis destacados está Tony Hawk’s Pro Skater 3 + 4, que regresa cunha edición remasterizada e acceso anticipado para quen adquira a Deluxe Edition Upgrade, con novos parques, trucos e personaxes xogables como Doom Slayer e The Revenant.
Ademais, incorpóranse ao catálogo xogos como Minami Lane (un simulador de xestión ambientado nunha rúa xaponesa), o multixogador Ultimate Chicken Horse, o RPG de acción cyberpunk The Ascent e as remasterizacións de Legend of Mana e Trials of Mana, entre outros. Tamén regresan Little Nightmares II, Rise of the Tomb Raider e High On Life, dispoñibles en nube, consola e PC.
Por outra banda, a colaboración entre Xbox e Antstream segue a medrar co selo Retro Classics, que xa atraeu máis dun millón de xogadores. Engádense agora títulos como Cosmic Commuter, Skiing e Solar Storm, acompañados de novos torneos e desafíos comunitarios.
Os membros Ultimate tamén recibirán vantaxes adicionais como paquetes exclusivos para xogos como 3on3 Freestyle ou EA Sports UFC 5, ademais de contido especial para Diablo IV e o evento cruzado Palworld x Terraria.