Yes.fm achega 2 millóns de cancións mediante streaming

A xente que guste de escoitar música a través da Internet sen descargala previamente ten unha nova opción, Yes.fm, que comeza hoxe a operar, e conta cun catálogo de máis de 50.000 artistas e 2 millóns de cancións de todos os xéneros grazas a acordos coas 4 grandes distribuidoras (Universal, Warner Musica, Sony BMG e EMI) e con selos independentes (coma BOA ou Subterfuge).
O acceso se fará medirante un modelo de subscrición flexible que conta con modalidades que van dende o abono mensual (que custa 9,80 euros/mes e que se pode contratar o primeiro mes por só 2 euros) ata bonos por horas (que incluso se poden pagar por SMS ou chamadas telefónicas).
O novo servizo ten vocación de rede social, polo que participantes poderán relacionar e compartir listaxes de reprodución.