YouTube estrea un reprodutor de vídeos personalizado

Trala compra de YouTube por parte de Google parece que o servizo de vídeos non quere quedar durmido e as melloras tanto da súa web coma do reprodutor continúan a avanzar día a día para estar á altura dos seus competidores, e agora unha nova característica agradará a moitos que queiran darlle unha nota de cor á integración do reprodutor ás súas webs e blogs, pois estrean un reprodutor personalizado.
O novo reprodutor configúrase de xeito doado, tendo o usuario que pórlle un nome e unha descrición, seleccionar as súas cores dentro dunha selección, marcar o seu formato (estándar, ou con vídeos relacionados á súa dereita) e o contido do reprodutor (que pode incluír vídeos da nosa conta de YouTube, a nosa listaxe de favoritos ou calquera lista de reprodución que definamos).
A posibilidade de definir as cores do reprodutor é posiblemente a característica máis desexada polos usuarios do servizo que teñan páxinas web en cores nas que o gris tradicional do servizo non queda esteticamente ben, mentres que a opción que engade vídeos relacionados á dereita duplicando o ancho do reprodutor é o máis semellante que hai a algunha das autoproclamadas televisións na Internet, de xeito que resulta moi axeitado para páxinas de entrada ou canles de vídeo dalgúns sitios web que non contan coa tecnoloxía como para desenvolver o seu propio contorno de publicación de clips de vídeo.
Podemos ver un exemplo deste último caso: