Zara Home comeza a vender pola Rede

Como xa se anunciara, a tenda de produtos téxtiles para o fogar do grupo Inditex, Zara Home, xa vende a través da Internet en 14 países europeos: Alemaña, Bélxica, Dinamarca, Francia, Grecia, Holanda, Irlanda, Italia, Luxemburgo, Mónaco, Portugal, Reino Unido, Suecia e España.
O catálogo duns 2.000 produtos pódense mercar pola Rede a prezos semellantes ós das tendas, entregándose nun prazo máximo estimado de 10 días, mantendo a política de cambios e devolucións semellantes ó das tendas presenciais (de feito, tales operacións realizaranse a través dos establecementos físicos).
Os clientes tamén se poderán subscribir a un boletín semanal no que se lles informará das novidades na tenda virtual.