iGoogle: personaliza a portada do buscador web máis popular

Aínda que pareza o contrario, iGoogle non é un novo produto de Apple, senón que se trata dun novo xeito máis interactivo de acceder ó popular buscador de Internet creado por Sergey Brin e Larry Page, que permite a creación dunha páxina de inicio personalizada polo usuario, de xeito que non só serve para realizar pescudas na web, senón que tamén achega información meteorolóxica, os fluxos RSS dos novos medios favoritos, atallos a servizos (coma dicionarios ou mapas), xogos, chistes ou o correo electrónico.
Todos estes engadidos á portada de Google son gadgets ou pequenas aplicacións doadas de crear e das que xa hai unha completa oferta e que pretenden mellorar a experiencia de usuario de xeito que, por exemplo, cando un usuarios indique a posición do seu fogar mediante Google Maps verá coma os seus resultados de busca se adaptan á súa localización xeográfica.
Esta tendencia personalizadora non desbota a aparencia tradicionalmente limpa de Google (chave no seu éxito pasado) senón que será unha opción para os usuarios que estean interesados na adaptación do buscador ós seus gustos e intereses.