nVIDIA prepara monitores de 65 polgadas para xogar

Unha das grandes sorpresas desta edición do CES de Las Vegas para os xogadores máis intensivos é a última proposta de nVIDIA, que consistirá na creación dunha nova liña de monitores de distintos fabricantes que coñeceranse co nome de Big Format Gaming Displays (BFGD) ou pantallas de grande formato para xogar, o que pretende converterse nunha especie de estándar de calidade para usuarios esixentes.
As primeiras BFGD chegarán este ano da man de Acer, Asus e HP, e serán pantalla de 65 polgadas cunha resolución de 3.440 x 1.440 píxeles con G-SYNC e HDR (ata 1.000 lumenes) que incluso integrarían nVIDIA SHIELD, unha versión de Android TV para poder gozar de contidos 4K de YouTube, Netflix, Amazon Prime Video e outros servizos, así como de sistemas de xogo en streaming (como GeForce NOW e GameStream). As pantallas funcionarán a 120 Hz, ou sexa, que teñen como prioridade a velocidade, de aí que non aspiren a ter 4K nativos polo momento, e non sempre apostarán polo máximo refresco, senón que cos contidos audiovisuais procurarán adaptarse ao máximo ao formato orixinal.
Aínda que estas pantallas están optimizadas para xogar co PC, tamén funcionarán de xeito estupendo con consolas de videoxogos, permitindo así gozar tanto da súa elevada velocidade de resposta como da súa calidade de imaxe.