A CMT autoriza a Ekoplc para dar servizos de telecomunicacións a través das redes eléctricas dos edificios

A Comisión do Mercado das Telecomunicacións recoñeceu a Ekoplc para operar coma provedor de acceso á través da rede eléctrica e para ofrecer servizos de comunicacións electrónicas, de xeito que se converte na primeira empresa recoñecida e autorizada pola CMT para dar acceso á Internet a través de PLC-In-Building.
Esta solución tecnolóxica consiste no aproveitamento dunha conexión á Internet de banda ancha para o seu espallamento a través da rede eléctrica interna dos edificios para ofrecer solucións de datos, voz e vídeo mediante a plataforma Eko Suite, que combina equipamento físico, aplicacións informáticas e servizos conformando un proxecto integral.