A CNMC obriga a Orange a subministrar 4G a MasMóvil
martes, 5 de maio do 2015
A Comisión Nacional do Mercados e a Competencia (CNMC)
decidiu obrigar
a Orange a dar acceso de xeito cautelar á súa rede 4G ao operador MasMóvil
ante un “claro incumprimento” das obrigas contractuais de Orange, en particular
na provisión do acceso maiorista 4G en prazos razoables. Deste xeito Orange
deberá presentar unha oferta maiorista completa adaptada á estrutura de
MasMóvil nun prazo de 10 días.
MasMóvil solicitara o acceso á rede 4G de Orange en maio de 2013, e ante a
falta de respostas, a compañía recorreu ante a CNMC en novembro de 2014, ao que
a Comisión respondeu establecendo que “os OMV poidan solicitar actualmente a
calquera do operadores móbiles de rede declarados con poder significativo de
mercado o acceso ao servizos 4G” en vista de que levaban un tempo
comercializando servizo 4G a usuarios finais, e que esta prestación estaba a
converterse nun elemento diferenciador das ofertas.
