A LaconNetwork amosará a súa face máis rural na súa edición 50ª
luns, 26 de maio do 2014
O encontro gastronómico dos últimos venres de cada mes que
xunta a profesionais e emprendedores do sector tecnolóxico galego, a
LaconNetwork, celebrará o vindeiro venres a súa edición número 50 elixindo como
marco un enclave totalmente oposto os eventos nos que se celebran os aniversarios
desta iniciativa, de xeito que teremos unha das edicións máis rurais en La Casa de la Aldea no concello de
Oza-Cesuras (podendo localizarse as
instalacións coa axuda de Google Maps), onde poderán degustarse os mellores
manxares ecolóxicos.
Durante este xantar que botará a andar ás 14:30 horas poderán probarse
empanadas de variados recheos, tortilla de varias especializades, montaditos de queixo fresco, distintas
variedades de queixo galego, chourizo caseiro, salchichón galego, pan de trigo,
melindres, bica de Ourense, manteigadas, café de pota e incluso menús e
sobremesas aptas para veganos. A
media tarde tamén serviranse pinchos de froita e, de ser posible, cuncas de amorodos.
Para poder participar nesta xornada que mestura gastronomÃa con networking de profesionais do sector TIC
é preciso inscribirse,
satisfacendo os 20 euros que sufragarán o xantar.
