A Xunta inviste 50 millóns na modernización da xustiza
xoves, 14 de outubro do 2021
Santiago
acolleu este 14 de outubro a inauguración dunhas xornadas de
secretarios xudiciais: o encontro Fortalecemento institucional do
corpo de letrados da Administración da Xustiza e das Secretarías do
Goberno. Nela participou o director xeral de Xustiza, Juan José
Martín, quen salientou “o esforzo investidor” da Xunta para a
modernización da xustiza e para “ofrecer aos cidadáns un servizo
público eficiente”. En
concreto, dixo, o Goberno galego mobilizou 50 millóns de euros para
dixitalización do dito ámbito, e 123 millóns para o Plan de
Infraestruturas Xudiciais.
Juan
José Martín explicou que este proxecto de dixitalización integral
será materializado en colaboración coa Axencia para a Modernización
Tecnolóxica de Galicia (AMTEGA), incluíndo como dixemos unha contía
de 50 millóns de euros a través dos plans Senda I e Senda II.
Amais,
no capítulo de “mellora da relación entre os cidadáns e a
administración xudicial”, lembrou que a Xunta investiu 123 millóns
de euros no Plan de Infraestruturas Xudiciais que permitiu, entre
outras actuacións, rehabilitar a antiga Fábrica de Tabacos da
Coruña, que hoxe é sede da Audiencia Provincial, ou poñer en
marcha “un dos proxectos máis ambiciosos acometidos pola Xunta”
facendo uso das súas competencias en Xustiza, como é a Cidade da
Xustiza de Vigo, cun investimento de 42 millóns de euros.