A metade da poboación mundial ten móbil

Un estudo elaborado por Informa cifra a cantidade de liñas de telefonía móbil en 3.300 millóns, de xeito que se pode afirmar que a metade da poboación mundial conta con móbil e, de feito, en 59 países a penetración deste tipo de telefonía supera o 100% (hai máis liñas que habitantes).
O crecemento da telefonía móbil está a resultar abraiante nos últimos anos, pois esta tecnoloxía que comezou a funcionar en 1981 espallouse pouco a pouco, pero coa entrada en países coma China ou India se disparou o número de usuarios.
Dende Informa tamén inciden no feito de que a telefonía móbil non se vive igual en cada país, e o consumo por usuario é sumamente dispar, de xeito que mentres no Reino Unido o gasto medio por usuario é duns 70 dólares/mes, en países coma Sri Lanka non chega ós 3 dólares/mes.
No tocante á tecnoloxía empregada, a GSM Association estima que hai 2.571,6 millóns persoas empregando conectividade GSM (e superiores) mentres que a segunda tecnoloxía a nivel mundial, CDMA, queda nos 421,4 millóns de usuarios.