APETEGA organiza unha xornada sobre as redes sociais na educación

A Asociación do Profesorado de Tecnoloxía de Galicia (APETEGA) celebrará o sábado 12 de novembro no IES de Brión a V Xornada Monográfica baixo o título de As redes sociais na educación, que incluirá relatorios de J. J. de Haro, Juan Carlos López Ardao e un orador da Garda Civil que falará sobre a seguridade e privacidade nas redes sociais. Cada unha destas actividades completaranse cunha mesa redonda ou debate, rematando a xornada cunha presentación de servizos web educativos da man dos profesores que os poñen en práctica.
Está aberta a inscrición a esta xornada ata o vindeiro sábado, cun número de prazas limitado (70), e persegue mellorar a formación do profesorado de tecnoloxía, fomentar o uso das redes sociais no profesorado, presentar diferentes redes sociais e as súas posibilidades, fomentar o uso seguro e privado das redes sociais, coñecer as principais ameazas e precaucións e as principais ferramentas en liñas para traballar na aula de tecnoloxía. O programa da xornada sería como segue:

9:30 - Inicio Xornada nas instalacións do IES de Brión
10:00 - Conferencia: Seguridade e privacidade nas rede sociais
11:30 - Mesa redonda sobre a conferencia
12:00 - Conferencia de Juan Carlos López Ardao (@jardao)
13:45 - Mesa redonda sobre a conferencia
14:15 - Xantar
16:00 - Conferencia de Juan José de Haro (@jjdeharo)
17:30 - Mesa redonda sobre a conferencia
18:00 - Presentación de servizos web educativos
20:00 - Clausura das Xornadas

Vídeo promocional da xornada