As portabilidades móbiles pasarán de realizarse nun día

A Comisión do Mercado das Telecomunicacións (CMT) abriu o trámite de audiencia para analizar a implantación da portabilidade móbil en só 1 día para atender ás esixencias das novas directivas europeas, o que queda bastante lonxe dos 5 días actuais que son precisos para mudar de compañía de telefonía móbil conservando o número da liña.
A CMT propón que as portabilidades continúen realizándose entre as 2 e as 6 da madrugada para minimizar as molestias aos usuarios, de xeito que unha portabilidade solicitada un luns debería estar cursada coma moi tarde o mércores ás 6 da madrugada.
O sistema de cancelación de portabilidades tamén debe establecerse con bastante coidado, xa anular unha solicitude de portabilidade é moi habitual en España, xa que as ofertas realizadas polos operadores de telecomunicacións tenden a reter aos seus clientes e por iso dende a CMT insisten en que a portabilidade nun día non é unha obriga para o usuario, senón un dereito, polo que podería pedir que o proceso sexa efectivo máis adiante.