As redes 3G adían o seu apagamento en España

A cobertura da telefonía móbil 4G non está a avanzar ao ritmo desexado, o que levaría a un adiamento do calendario do sector das telecomunicacións, que tiña previsto que as redes 3G nas bandas dos 900 e 2.100 MHz puidesen apagarse en España a finais de 2020, e agora aseguran que este apagamento podería adiarse ata 2022-2024, en espera á que as redes 4G sexan unha realidade na totalidade do Estado.
Aseguran que a primeira frecuencia do 3G que dirá adeus será a dos 2.100 MHz, cando menos no caso de Movistar, Orange e Vodafone, que tamén contan coa banda dos 900 MHz, mentres que MásMóvil terá que agardar máis en facer tal, por non contar con frecuencias na banda inferior.
Aparte da cobertura, o parque de teléfonos móbiles tamén xustificaría o adiamento do peche do 3G, xa que moitos teléfonos actuais non contan coa posibilidade de realizar chamadas empregando a tecnoloxía VoLTE, de aí que sexa prudente agardar algo máis para que os consumidores non se vexan prexudicados pola modernización tecnolóxica que busca avanzar cara ás novas redes con máis velocidade de datos e moitas outras posibilidades.