Continúan a aparecer métodos para liberar o iPhone

Imaxe dun iPhone liberado publicado por Engadget

Os distintos xeitos de librerar o iPhone están a captar moita atención na Rede, pero trala aparición dun xeito de reprogramar o terminal por un método hardware sorprendeu un rápido sistema de facer o mesmo mediante software, ou sexa, sen ter que abrir o terminal. O novo sistema o anunciaron dende a web iphoneunlocking.com e pretendían vendelo a través da Internet, o que non poderán facer polo momento dado que o departamento legal de AT&T xa advertiu ós responsables de tal servizo que de vender o sistema de liberación do iPhone se terían que enfrontar a unha demanda xudicial.
Dende iPhoneSIMfree.com tamén publican outra solución para liberar o iPhone, o que permitiría o seu uso con operadoras distintas de AT&T e, por tanto, fóra dos EE.UU., pero todos estes movementos en favor de atopar métodos de crackear o móbil de Apple non resulta igual de atractivo en todo o mundo, pois en países coma Alemaña os terminais teñen que venderse libres por lei (o que se compensa cunhas condicións de contratación moi ríxidas ó facerse con terminais subvencionados).