Denuncian que Telefónica sube as tarifas de fixo a móbil ata un 42%

O logotipo de Telefónica visto por FACUA

FACUA-Consumidores en Acción denuncia que dende este mes de xaneiro Telefónica de España sube ata un 42% o prezo das chamadas de fixo a móbil debido ó desproporcionado aumento da súa principal tarifa, a que cobra polo establecemento de chamada, o que levou á organización de consumidores a presentar as correspondentes denuncias ante as autoridades competentes.
Este cambio de tarifas xa se denunciou en novembro, e iría en contra da baixada de custos propiciada pola CMT, polo que FACUA considera que Telefónica se está a aproveitar da liberación das súas tarifas aplicando unha enorme suba.
Así, aínda que as chamadas de fixo a móbil baixen o seu prezo por minuto, ó incrementarse o establecemento de chamada un 25%, realmente está subindo o prezo da meirande parte das chamadas de fixo a móbil.
FACUA denunciou esta suba ante o Instituto Nacional do Consumo e a Dirección Xeral de Consumo da Comunidade de Madrid, no que consideran que se trata dunha vulneración da Lei Xeral para a Defensa dos Consumidores e Usuarios.