Entra en vigor a normativa das SMS Premium para a protección ao usuario

A normativa de regulación das SMS Premium para a protección do usuario entra en vigor este venres coa posta en marcha da nova tarificación adicional, que permitirá ao usuario coñecer o prezo do servizo a través do primeiro díxito do número.
Entre as novidades está que as mensaxes que vaian ter un prezo superior a 1,20 euros (ou inclúan contidos para adultos) deberán contar cunha mensaxe previa á súa contratación na que informen do prezo e solicite expresamente a súa aceptación, prohíbese a esixencia de ter que remitir 2 ou máis mensaxes para solicitar un servizo e estandarízase o uso da palabra BAJA como resposta para solicitar a desubscrición a un servizo.
Tamén establécense franxas horarias de protección, pensando especialmente no concursos televisivos, que tamén terán que cumprir con máis requisitos coma ter as súas bases depositadas ante notario, non aceptar mensaxes fóra do seu horario de emisión e confirmar a participación do usuario mediante SMS.
Os usuarios tamén poderemos pedir á nosa operadora de telefonía móbil a desconexión a este tipo de servizos de tarificación adicional e este tipo de mensaxes deberán vir desglosadas nas facturas, de xeito que en caso de desacordo, o usuario pode optar a non pagar a parte da factura correspondente á tarificación adicional, evitando así o corte da súa liña.

Novo cadro de prezos das SMS Premium