Euskaltel tamén lanza unha promoción de verán de telefonía móbil con chamadas gratuítas

As operadoras de telefonía móbil están a lanzar promocións de verán para reter ós seus clientes, pero as Operadoras Móbiles Virtuais tamén reaccionan e aproveitan para lanzar campañas que tamén pretenden captar clientes novos. A primeira OMV que vemos que fai tal é Euskaltel, que no seu plan de tarifas Unika permite contratar unha promoción de chamadas a 0 céntimos/minuto (con 15 céntimos + IVE para o establecemento de chamadas) a calquera destino e hora, entre o 21 de xuño e o 30 de setembro.

Xatakamovil publicou unha comparativa coas promocións de verán das distintas operadoras de telefonía móbil

A promoción destaca por poder aplicarse a chamadas de calquera operador de telefonía, aínda que ten un tope de 1.000 minutos mensuais. Ademais, ós clientes que se dean de alta en contrato cuns consumos mínimos en concreto poderán facer con atractivos terminais de telefonía móbil de balde (os modelos Motorola K1, o Nokia 5200 ou o LG Chocolate).