Gmail actualiza a súa aplicación Java para móbiles

Google vén de estrear a versión 1.5 de Gmail Mobile, de xeito que fai máis potente e completa a consulta do seu servizo de correo electrónico en móbiles compatibles con Java (a meirande parte). Esta revisión da aplicación ten un funcionamento máis rápido e semellante ó servizo web, permite a sincronización automática das contas de Gmail, posibilita o emprego de conexións seguras, incorpora a opción de crear borradores e permite buscar mensaxes no arquivo do usuario. Por desgraza aínda non se pode empregar esta aplicación para o móbil con contas de Google Apps personalizadas para dominios distintos a gmail.com.