Industria detectou unha importante caída na calidade da telefonía móbil

O último informe do Ministerio de Industria sobre a calidade do móbil (dispoñible para a súa descarga en formato PDF) detecta un empeoramento significativo en 15 dos 18 parámetros medidos, o que parece provocado pola redución do investimento que os operadores de telecomunicacións están a levar a cabo.
Como exemplo deste empeoramento do servizo temos que o índice de chamadas frustradas entre móbiles pasou do 0,24% en 2008 ao 1,73% de 2010, aínda que tamén medraron os problemas nos procedementos de portabilidade ou no tempo para solucionar as reclamacións (que pasou dos 3,53 días en 2008 a uns alarmantes 12,89 días en 2010). Tamén subiron as correccións de facturas e as duracións das chamadas aos servizos de atención ao cliente.