Isaac González protagonizará o primeiro Betabeers Galicia de 2015

Dentro dunha semana o espazo de coworking coruñés WeKCo volverá acoller a celebración dun novo encontro de Betabeers Galicia, que chega xa á súa edición número 17, e que contará coa presenza de Isaac González, da empresa especializada en tecnoloxía da lingua Cilenis, quen impartirá un relatorio sobre o software como servizo. Concretamente explicarase como Cilenis Language Technology realizou o paso de scripts de investigación a unha API REST para comercializar os seus servizos.
Esta cita para desenvolvedores web e de aplicacións móbiles terá lugar de 20:00 a 21:30 horas o vindeiro día 19, e espera contar cun par de proxectos que se presentarán tras a charla técnica de Isaac González, e que concretaranse nos vindeiros días.
Cómpre lembrar que para acudir a este tipo de eventos é preciso inscribirse previamente ante a limitación de aforo.