MSN renova a súa versión móbil

Microsoft renova a versión para móbiles de MSN, de xeito que os contidos do seu portal se adaptan ás pantallas dos diferentes modelos de móbil de xeito que os usuarios de terminais potentes poderán facer un uso máis satisfactorio deste portal.
MSN Mobile achega novas, información deportiva e de lecer, acceso ó correo electrónico, ós mapas, ás buscas na web e á mensaxería instantánea, de xeito que os usuarios móbiles poderán ter unha experiencia de uso que cada día resulta máis semellante á que se fai no PC, pero coas vantaxes inherentes á mobilidade.
Dende Microsoft pensan que estamos ante un punto de inflexión no uso da Internet dende o móbil, de aí que estean a mellorar estes servizos, o que tamén están a facer Google e Yahoo.