MásMóvil fomenta o uso de Skype dende o móbil

O Operador Móbil Virtual (OMV) MásMóvil prepara unha agresiva campaña coa que oferta aos seus clientes 30 Mb de transferencia de datos de balde ao mes, que poderán empregar para navegar pola web, utilizar plataformas de redes sociais e incluso empregar a aplicación chamada Fring para acceder a Skype, o que podería traducirse nunhas 3 horas de voz sobre IP, mentres que o resto de operadores tenden a prohibir o uso deste tipo de tecnoloxías baixo as súas redes.
De todos os xeitos, esta promoción ten os seus peros, pois superados os 30 Mb de transferencia haberá que pagar 3 ou 5 céntimos por megabyte descargado (segundo teñamos contrato ou tarxeta respectivamente) o que resulta bastante caro para un uso intensivo.