Movistar incrementará en xuño as tarifas da telefonía fixa

O ABC adianta que nos vindeiros días Telefónica/Movistar vai anunciar descontos de preto do 30% na factura do móbil para os clientes que dean de alta unha liña de ADSL, de xeito que levaría ao móbil unha política de paquetes combinados que viña aplicando á telefonía fixa.
Pero esta información vén acompañada con outra menos positiva, de xeito que a cuarta parte dos usuarios de telefonía fixa de Movistar, que aínda non teñen contratados bonos, plans de desconto ou tarifas planas, verán a unificación dos horarios de facturación (desaparece o horario reducido) e a unificación do establecemento de chamada entre fixos e móbiles, o que supón que pasará dos actuais 10 céntimos a 15 céntimos, cambio que mañá comezará a comunicarse aos clientes a través das súas facturas.