Movistar leva a banda larga móbil aos 42 Mbps

Antes incluso da chegada da telefonía 4G, as velocidades da banda larga móbil en España continúan a medrar, e Movistar anuncia que en outubro estreará as conexións a 42 Mbps grazas á tecnoloxía Dual Cell HSPA, que chegará inicialmente a zonas con grande densidade empresarial de Madrid e Barcelona, mellorando a cobertura nas citadas cidades antes de rematar o ano e espallando o servizo polas principais zonas turísticas e cidades de máis de 250.000 habitantes durante 2011.
Para gozar destas conexións haberá que contratar as tarifas Plana Internet Plus (39 euros/mes) ou a Plana Internet Maxi (49 euros/mes) e será preciso adquirir o modem Novatel Ovarion MC545 por 19 euros, dispositivo compatible coa conectividade DC-HSPA+ (e o resto de conexións 3G) que estréase internacionalmente en España e sería capaz de descargar a unha velocidade de 40,5 Mbps en transmisións a través das bandas de frecuencia de 900, 1.900 e 2.100 MHz. O modem tamén incorpora un lector de tarxetas microSDHC de ata 32 Gb.