O Plan de Banda Larga da Xunta quintuplicou a cobertura de acceso á Rede en San Cristovo de Cea

A aula móbil de Movistar que percorrer a xeografía galega para divulgar as vantaxes do Plan de Banda Larga chegou hoxe ao concello ourensán de San Cristovo de Cea, acollendo a visita do delegado territorial da Xunta en Ourense, Rogelio Martínez, quen foi acompañado polo alcalde da vila, José Luís Valladares, e destacou a importancia de informar “a pé de rúa” ao cidadán dos avances na súa localidade, que no caso de San Cristovo de Cea foron significativos, pasando de 554 veciños con servizo de Internet antes do Plan ata 2.233 na actualidade, ou sexa, que nun par de anos multiplicouse por cinco a poboación con cobertura da Rede. É de agardar que o ano remate cunha cobertura practicamente absoluta da Rede no concello de San Cristovo de Cea, posto que as actuacións realizada ata o momento complementaranse coa adopción de accesos vía satélite.
No que respecta á comarca do Carballiño, actualmente hai 29.194 persoas con acceso á Rede, de xeito que grazas ao Plan pasouse dun 59,33% de cobertura a superar o 98% (cubríndose o resto vía satélite).