O iPhone 3G chegará a boa parte de Latinoamérica o 22 de agosto

O 11 de xullo chegou o iPhone de Apple a boa parte do mundo, pero aínda quedan moitos países nos que aínda non se vende o revolucionario móbil, e o vindeiro 22 de agosto os usuarios de Arxentina, Chile, Colombia, Ecuador, El Salvador, Guatemala, Honduras, Paraguay, Perú, Uruguay, República Checa, Estonia, Hungría, India, Letonia, Lituania, Polonia, Romanía, Eslovaquia e Filipinas se subirán ao carro do móbil 3G de Steve Jobs, o que se podería considerar como a invasión de Latinoamérica.
Esta operación de lanzamento será todo un reto para Telefónica e América Móvil, que non só serán as operadoras que leven o iPhone a máis países, senón que incluso competirán polos consumidores de Chile, Ecuador e Perú (países nos que ningunha das operadoras ten a exclusiva do terminal).
Parece que nos países aos que chegará o iPhone o día 22 se repite a mesma política comercial chea de segredos que se practicou en España, e que en boa medida foi a culpable da nefasta estrea do iPhone dentro das nosas fronteiras.