O remake de Final Fantasy VII déixase ver nun novo State of Play
venres, 10 de maio do 2019
A
pasada noite tivemos a segunda entrega
de State of Play, o novo xeito que ten Sony para comunicar as novidades
para PlayStation 4 a través de vÃdeos de YouTube, que desta volta destacou por ofrecer
por fin imaxes de Final Fantasy VII
Remake, xogo do que darán máis detalles en xuño. Puidemos asà ver a
Cloud e Aeris cuns gráficos moito máis realistas que cando o xogo orixinal veu
a luz en 1997, aÃnda que resulta inevitable pensar que a impresión que levaron
moitos afeccionados tras a
presentación de Sony no E3 de 2015 confundiu desexos e emocións con
realidade, e os elementos nostálxicos que provocaron grandes aplausos están a
traducirse en produtos que distan moito de ser grandes lanzamentos.
Tras
comprobar que a resposta a The Last Guardian
foi moi modesta, e que Shenmue III
vai ser un xogo de baixa factura só apto para nostálxicos, só podemos pensar
que o remake de Final Fantasy VII vai decepcionar a moitos, pois estará lonxe dun
lanzamento actual, e simplemente será un xeito de rememorar unha historia que
impactou a moitos xogadores no seu dÃa, pero presentada cunha aparencia e
xogabilidade que non produza rexeitamento aos que non sexan amantes do retro.
Tamén tirando de nostalxia o novo State of Play serviu para anunciar
a data de lanzamento de MediEvil,
retorno dun clásico que a partires do 25 de outubro poderá xogarse en PS4.
Este xogo non só adaptará os gráficos ás consolas actuais, senón que tamén
contará detalles que farán que quen gozase do tÃtulo orixinal poida atopar
algunhas sorpresas.
Tamén se anunciou a
data de lanzamento de Monster Hunter:
Iceborne, xogo que estrea tráiler e promete ser moi espectacular. Este
xogo de caza de dragóns verá a luz o 6 de setembro e permitirá explorar Hoarfrost
Reach, unha nova localización que destaca polo seu clima glacial e na que
poderemos ver tanto a criaturas coñecidas como a novos monstros aos que enfrontarse.
No State of Play tamén podemos ver o novo
xogo de exploración de alxubes Riverbond,
que cun estilo clásico e uns gráficos pixelados tridimensionais queren gañar o corazón
de moitos xogadores, mentres que WAY:
The Survival Series sorpréndenos pola súa orixinalidade, xa que métenos
na pel dunha especie de esquÃo para permitirnos vivir unha aventura dende unha
perspectiva que a moitos fará lembrar aos documentais de natureza que podemos
ver en televisión.
Para completar as novidades do State of Play temos a Predator:
Hunting Grounds, un curioso tÃtulo multixogador asimétrico en liña, que
chegará a PS4 en 2020, e que permitirá que un grupo de xogadores controle a un
equipo de elite fortemente armado que terá que enfrontarse a outro xogador que
manexará a un mortÃfero Predator.
VÃdeo co segundo State of Play