O vindeiro domingo Movistar estrea a súa eurotarifa

Os usuarios de de Movistar poderán acollerse á eurotarifa para o roaming en Europa a partires do vindeiro 29 de xullo, mentres que Vodafone, Orange e Yoigo farán o propio uns días máis tarde.
Coas novas tarifas de protección ó consumidor os usuarios de telefonía móbil que viaxen por Europa poderán beneficiarse dun novo cadro de tarifas que supón un aforro aproximado do 65% para os usuarios de tarxeta e do 50% para os de contrato.
No caso de Movistar as tarifas serán de 0,49 euros de establecemento de chamada (que inclúe o primeiro minuto da comunicación) e 0,49 euros/minuto, mentres que o receptor da chamada deberá pagar 0,24 euros por establecemento (tamén co primeiro minuto incluído) e 0,24 euros/minuto, sendo estas cantidades as máximas que poderán aplicar os operadores de telefonía móbil a partir do 28 de setembro.