O xogo na nube de Xbox chega aos televisores de LG

Os televisores conectados de Samsung levan un tempo gozando do xogo na nube de Xbox, e agora anuncian que serán os usuarios de televisores conectados de LG os que poderán gozar do xogo en streaming de Xbox a través do Portal de xogo do propio televisor, para o que simplemente teñen que contratar Xbox Game Ultimate e utilizar un mando Bluetooth.
O xogo na nube poderase gozar tanto a través do Portal de xogos de LG como a través da propia aplicación de Xbox, o que permite así gozar de títulos populares como Call of Duty: Black Ops 6, Hogwarts Legacy, NBA 2K25 e un par de centos máis de xogos entre os que non fallarán novidades como Avowed (que chegará o 18 de febreiro).
Microsoft tamén está a abrir a posibilidade de que o xogo na nube se aplique a títulos que o usuario teña adquirido en dixital, e non unicamente aos que estean dentro da oferta do Game Pass, aínda que a listaxe de xogos que permiten esta posibilidade aínda é limitada.