Orange anuncia unha nova oferta combinada de servizos

Ata o momento Combina y Ahorra limitábase a un desconto mensual de 10 euros ao contratar fixo/ADSL e móbil

Reaccionando a novas ofertas do sector das telecomunicacións como Movistar Fusión, Orange anuncia a renovación da súa oferta converxente Combina y Ahorra, que permitía obter aforros en facturas aos clientes que contratasen servizo fixo e móbil. Orange ofrece xa co seu ADSL a posibilidade de elixir entre 15 tarifas móbiles de animais cun desconto de 10 euros/mes na factura cun desconto adicional de 70 euros no prezo dun novo terminal, pero agora engade unha nova oferta que consistiría en móbil (200 minutos de voz e navegación ilimitada a máxima velocidade ata 500 Mbytes), ADSL (ata 20 Mbps) e chamadas ilimitadas a liñas móbiles de Orange e entre teléfono fixo e os móbiles de Orange entre si por só 42,95 euros/mes (permitindo engadir ao contrato liñas móbiles adicionais por 8 euros/mes). Esta nova oferta estará dispoñible a partir do 3 de decembro.
Para os usuarios que fan un consumo intensivo do móbil tamén estrean a tarifa ilimitada Delfín 60, que substituiría ás tarifas Delfín 59 e Delfín 79, e por 60 euros/mes incluiría minutos de voz ilimitados, 1 Gb de navegación a máxima velocidade e 1.000 mensaxes de texto a calquera destino, sendo compatible co acceso a smartphones subvencionados e a módulos de aforro de Orange.