Os supermercados Dia% estrean operadora de telefonía móbil

Os operadores móbiles virtuais (OMV) non paran de aparecer no mercado español, e un dos últimos en entrar no negocio da telefónica móbil é Diamovil, a operadora da cadea de tendas de alimentación Dia%, que destaca por apoiarse por unha agresiva promoción na que ata finais de agosto achegará 1 euros de saldo por cada compras superior a 20 euros (cun máximo mensual de 3 euros) da que se poden beneficiar os clientes do ClubDia%.
Esta nova operadora aproveitará os 3.000 establecementos da súa empresa matriz para chegar aos seus clientes, e xa se está a publicitar en varias cidades españolas. As tarifas de Diamovil son de 7 céntimos/minuto para chamadas entre clientes da operadora e de 14 céntimos/minuto para outras operadoras. Os SMS e MMS custarán 14 e 50 céntimos respectivamente.