Pepephone estrea unha tarifa con 1.001 minutos en chamadas e 10 GB de datos

Dende Pepephone parecen dispostos a continuar a revolucionar as súas tarifas, entrando a competir coas tarifas que outras compañías definen como ilimitadas ou sen fin, pero que en virtude da transparencia do OMV con mellor sona do mercado español optaron por chamala tarifa limitada, de xeito que conta unicamente con dúas limitacións: só inclúe 1.001 minutos de voz e 10 GB de datos. Deste xeito esta tarifa non tería nin un máximo de destinos ou chamadas, nin outras medidas incluídas na letra pequena (como un máximo de minutos por chamada), como acontece con outras compañías.
Confían en que para o 99% das persoas esta tarifa sexa ilimitada, xa que non chegarían a consumir nunca nin os minutos de voz nin os datos contratados, e o seu prezo mantense nun rango bastante moderado (27,9 euros/mes).
Superados os límites da tarifa as chamadas custarían 1,21 céntimos/minuto (cun establecemento de 18,15 céntimos) e os datos adicionais pagaríanse a 3,63 céntimos o MB.
Como é habitual en Pepephone a banda larga móbil funciona por 4G, a facturación dos datos é por bytes consumidos (e non por bloques) e carece de compromiso de permanencia.