R continúa o seu espallamento polas vilas galegas

Obras de canalización de R en Melide

A operadora de telecomunicacións galega R, grazas a un acordo asiando coa Consellaría de Innovación e Industria, está a implantar a súa rede de fibra óptica por vilas galegas como A Estrada, Melide e Cedeira.
No núcleo urbano de Cedeira xa practicamente remataron as obras de canalización de xeito que se estima que no mes de decembro se comezará a dar servizo á vila, na que R xa ten instalada unha cabina telefónica na Praza de Galicia.
Nos pasados días tamén comezaron as obras de canalización en 22 rúas de Melide, nunhas obras que rematarán en maio, tralo que se executará unha segunda fase que dará cobertura a todo o casco urbano. Socorro Cea, alcaldesa de Melide, amosou a súa satisfacción polo impulso ó desenvolvemento tecnolóxico que está a realizar a Consellaría. O Concello tamén se acolleu á liña de axudas para levar a banda larga ó polígono industrial da Madanela.
R está a dar servizo actualmente en A Coruña, Santiago, Ferrol, Oleiros, Culleredo, Cambre, Arteixo, Ames, Betanzos, Narón, As Pontes, Boiro, Carballo, Fene, Laracha, Miño, Ordes, Oroso, Pontedeume, Ribeira, Sada, Bergondo e Arzúa e antes de rematar o presente ano procurará espallarse a A Pobra, Ares, Brión, Cabanas, Malpica, Mugardos, Neda, Negreira, Noia, Padrón, Ponteceso, Pontecesures, Rianxo, Teo e Vimianzo.