R é o operador de telecomunicacións con menos reclamacións en 2010

Tenda de R en Santiago de Compostela

O último informe da Oficina de Atención ao Usuario de Telecomunicacións (OAUT) sobre as consultas e reclamacións recibidas durante 2010 (dispoñible en formato PDF) no organismo dependente do Ministerio de Industria, situou a Vodafone como o operador con máis reclamacións (3,85 incidencias por cada 10.000 abonados) chegando case a dobrar os resultados do ano anterior. Pola contra, o operador radicado en Galicia R destacou por todo o contrario, consolidándose como a compañía con menos reclamacións durante 2010.
Aínda que R incrementou as incidencias en telefonía móbil (de 0,27 a 1,51 por cada 10.000 clientes medios), en telefonía fixa, acceso á Internet, voz e datos e atención ao cliente mellorou os resultados de 2009, polo que entendemos que a proximidade da compañía está a xogar un papel fundamental na boa relación de R cos seus clientes.