R incorpora o Lumia 710 ao seu servizo de móbiles
xoves, 19 de xullo do 2012
Este martes o operador galego R
anunciou unha
nova fichaxe tecnolóxica no seu catálogo
de trebellos, o Lumia
710, unha fichaxe da que falamos
en detalle con motivo da súa presentación en Londres e que salienta por
varios motivos fundamentais: en primeiro lugar porque veñen co sistema
operativo de Microsoft (Windows Phone) e porque, de combinalo con SkyDrive, pode chegar a ofrecer ata 16
xigas de memoria. Tamén salienta pola dimensión da súa pantalla de 3,7
polgadas, táctil, e porque non precisa no seu seo o emprego de tarxetas de
memoria. Segundo apunta R no seu blog, trátase dun trebello moi agardado e cuxa
posta en catálogo responde ao gran interese amosado polos clientes de móbilR.
O aparello en cuestión, para quen queira saber máis del, ten un procesador a 1.4 GHz r é compatible cos
estándares 802.11 b/g/n, “polo que vai
funcionar dun xeito fluído e podédelo conectar perfectamente ao noso wifimedia”,
sinálase. Asemade, acubilla aplicacións como Nokia Mapas e Nokia Drive,
esta última pensada para condutores, especialmente, xa que achega servizos de
localización de GPS e, ademais, é de balde. R, grazas ás ofertas de lanzamento
de Nokia, achega este móbil, con tempo limitado, cun desconto de 40 euros.
