República Móvil renova as súas tarifas

luns, 17 de xullo do 2017 Marcus Fernández

O Operador Móbil Virtual (OMV) República Móvil, que rematou o ano pasado abandonando a infraestrutura de MásMóvil para chegar a un acordo con Orange que lle garante un mellor funcionamento e unha maior flexibilidade de tarifas, vén de estrear unha das ofertas máis competitivas do mercado español de telefonía móbil ao ofrecer o bono de 1 GB de datos máis barato do mercado por só 3,95 euros, á vez que tamén ofrece bonos bastante atractivos como o de 15 GB por 15,95 euros/mes.
No que a servizos de voz se refire República Móvil tamén ten opcións moi interesantes, xa que adáptase tanto para quen fai un uso reducido como para quen o fai intensivo, de xeito que por 0 euros/mes ofrece a posibilidade de pagar só polo que se consome, por 3,95 euros/mes achega 100 minutos en chamada e por 6,95 euros/mes ten unha tarifa plana de voz. Combinando estas ofertas, por 10,9 euros/mes ofrecería chamadas ilimitadas e 1 GB de datos.
A estrutura de tarifas de República Móvil non é a mellor para usuarios cun elevado consumo de datos, pero para quen fai un uso moderado da banda larga móbil pode resultar unha oferta moi axeitada.

O cadro de tarifas actual de República Móvil

PUBLICIDADE