RetroCoruña volverá en xuño
luns, 6 de maio do 2019
En decembro de 2014 celebrouse a 6ª edición
de RetroCoruña, encontro de afeccionados á informática clásica e aos
videoxogos retro que tras uns anos de
ausencia volverá celebrase
o vindeiro 8 de xuño, nunha «edición máis lixeira, exprés e enfocada á escena galega» que están a organizar a
Asociación de Usuarios de Informática Clásica, RetroGalaicos e a Sociedade
Recreativa, Cultural e Deportiva de Sada, sendo esta última a que prestará a
súa sede ao encontro que para os non socios terá un prezo de 1 euro.
O encontro terá un espazo de exposición (dedicado ao xogo libre, amosar
coleccións e divulgar proxectos), un espazo mixto (no que poderá mesturarse exposición
e venda de material dedicado á actividade) e un espazo dedicado á venda (só
para comerciais), sendo a participación nestes espazos de balde (tendo
que cumprir unhas normas básicas), estando xa confirmada a participación de
9 expositores.
Nos vindeiros dÃas a organización dará máis detalles sobre esta cita para os
amantes do retro que moitos
celebrarán aÃnda que esteamos ante unha edición menos ambiciosa que as
anteriores pola súa formulación exprés.
