Simyo estrea chamadas ilimitadas por 12,5 euros/mes

Cada vez son máis os operadores con ofertas de chamadas ilimitadas dende o móbil, e agora atrévense a ofrecelas incluso a través de bonos a prezos moi axustados, como Simyo, que anuncia hoxe o seu novo bono de chamadas ilimitadas por 12,5 euros/mes, dispoñible tanto para clientes de contrato como de prepagamento, que permitirá que os usuarios poda configurar a súa tarifa de chamadas ilimitadas con distintas opcións de datos (con conectividade 4G) que van dende volumes de datos de entre 100 MB e 3 GB ata datos adicionais dispoñibles en momentos concretos (de xeito que poden contratarse bonos de datos de 1 GB para a noite ou para a fin de semana).
O bono de chamadas ilimitadas de Simyo inclúe o IVE no seu prezo de 12,5 euros/mes, e está limitado a 150 destinos, de xeito que, de superarse, os seguintes destinos terían chamadas aos prezos fixados na tarifa base (6 céntimos/minuto + 18,15 céntimos de establecemento de chamada).