Simyo lanza unha nova tarifa de 5 céntimos/minuto

As operadoras móbiles virtuais están en pé de guerra, para ver cal consegue as tarifas máis agresivas, e coma reacción aos prezos de Pepephone e MÁSmovil, dende Simyo lanzan unha nova tarifa voz a 5 céntimos/minuto a calquera destino nacional e a calquera hora a cambio dun consumo mínimo de 6,99 euros/mes o que inclúe un bono de datos mensual de 300 Mbytes (no caso de contratar esta tarifa antes do 29 de xullo), incentivo que moitas compañías están a utilizar coma reclamo para captar clientes.
A nova tarifa está dispoñible para portabilidades e altas, aínda que só na modalidade de contrato, cobrándose unha cota de establecemento de chamada de 15 céntimos, 9 céntimos por cada SMS, 29 por cada MMS e 3 céntimos por cada Mbytes de transferencia de datos. Os usuarios que non queiran adoptar esta tarifa poden seguir con chamadas a 8 céntimos/minuto, de xeito que carecerían de consumo mínimo mensual (un dos grandes alicientes para migrar a Simyo).

Táboa comparativa de prezos de varios operadores publicada por Simyo para destacar que teñen as tarifas máis competitivas