Só as operadoras virtuais gañaron liñas móbiles no mes de abril

Ganancia neta de liñas (en milleiros) durante o pasado mes de abril

Aínda que nos últimos meses podiamos ver como Movistar e Orange eran as operadoras móbiles que perdían continuamente liñas de telefonía no seu balance mensual, a nota da Comisión do Mercado das Telecomunicacións correspondente ao mes de abril amosa que ao balance negativo súmanse tamén Orange e Yoigo, sendo as únicas compañías en continuar a gañar liñas as operadoras móbiles virtuais (OMV).
Enténdese que é a conxuntura económica a que está a provocar esta situación, na que os clientes son cada vez menos fieis ás súas compañías, cun volume de portabilidades moi elevado (560.371 números portados en abril, o que supón un aumento interanual do 66,2%) que respondería a unha busca de tarifas máis competitivas.
Na mesma liña dos meses anteriores, tanto a telefonía fixa como a neta perderon liñas, mentres que a banda larga continúa a medrar, con 42.550 novas conexións, das que 33.668 corresponderían a operadores alternativos a Telefónica.