Sony presenta un reprodutor multimedia táctil

Aínda que sen dar moitos detalles, Sony presentou o seu nova liña de reprodutores multimedia Walkman da serie X, que contarán cunha pantalla táctil OLED de 3 polgadas, tecnoloxía de cancelación de ruído, capacidade de almacenamento de 16 e 32 Gb, reprodución de música (con soporte de DSEE), visualización de fotografías, reprodución de vídeo e mesmo acceso aos contidos de YouTube a través de Wi-Fi.
Haberá que agardar para coñecer máis detalles deste revolucionario reprodutor que podería ter algo que dicir ante outros semellantes coma o iPod Touch.