T-Mobile estrea nos EE.UU. un servizo de identificación de chamada real

Actualmente entendemos case como imprescindible o servizo telefónico de identificación de chamada que permítenos saber quen nos chama (ou de quen perdemos unha chamada), o que limítase a unha información numérica que podemos contrastar coa axenda do noso móbil, pero nos EE.UU. T-Mobile quere ir máis aló e anuncia un servizo de identificación de chamada real para móbiles, de xeito que cando os seus clientes reciban unha chamada, poderán saber a quen corresponde e a súa localización, facilitando tamén a súa incorporación á axenda do móbil.
Este servizo chamado Enhanced Caller ID (identificación de chamada mellorada) subminístrao a compañía Cequint, e destaca pola súa simplicidade. Inicialmente virá integrado de xeito predeterminado nos novos móbiles Android de Samsung que distribuirá T-Mobile (como o myTouch 4G Slide) aínda que máis adiante espallarase a outros dispositivos.
A identificación de chamada avanzada terá un custo mensual de 3,99 dólares, e polo momento ten certas limitacións, pois compañías como Verizon Wireless non comparte os nomes dos seus abonados, pero é un interesante avance para usuarios que reciben moitas chamadas e a información das súas orixes pode axudalos a decidir se contestalas ou non nun momento determinado.