Telefónica e Yoigo amplían o seu acordo de itinerancia nacional

A operadora de telefonía Yoigo, que mantén unha estreita colaboración con Telefónica dende que esta cedeu a compartir as súas infraestruturas de liña móbil e rede 3G, veñen de anunciar a extensión deste acordo de itinerancia nacional ata o 2014, que lle permitirá aos clientes de Yoigo empregar a cobertura de Telefónica en todo o territorio español onde Yoigo non teña despregado a súa rede propia.
O conselleiro delegado de Yoigo, Johan Andsjö afirma que “a gran calidade e cobertura” que lle ofrece a rede de Telefónica levou á compañía a asinar esta extensión do acordo de itinerancia nacional con Telefónica ata 2014 xa que “lles permite ofrecer a mellor cobertura aos seus clientes”.
Na actualidade, Yoigo cubre máis dun 67 por cento da poboación, con máis de 3.600 antenas repartidas en 50 provincias españolas e este ano agarda chegar ao 74 por cento con rede propia.
Naquelas zonas onde aínda non despregou a súa rede, os clientes operarán baixo a de Telefónica nas mesmas condicións de calidade que os seus propios usuarios.